Mgonjwa alilia matibabu

NASIKITISHA, Said Ndangaye Mwilu (57), mkazi wa Kimara Baruti, Wilaya ya Kinondoni, jijini Dar es Salaam na mwenyeji wa Kilwa, Kijiji cha Kipatima, anaishi katika hali ya mateso makubwa baada ya sehemu ya mwili kuanzia kiunoni hadi miguu kupooza na kuibuka tundu kwenye kalio, magonjwa ambayo amedumu nayo kwa muda mwaka mzima.Said Ndangaye Mwilu

akiugulia.
Akizungumza na gazeti hili, mzee huyo amesema amekosa huduma za kimatibabu baada ya kukosa  shilingi milioni sita kwa ajili upasuaji.Akisimulia zaidi mzee Mwilu alisema kutokana  na hali yake ya ugonjwa huo amekata tamaa kwani amehangaika katika hospitali mbalimbali jijini kwa ajili ya kupata matibabu lakini tatizo linazidi kuwa kubwa na hali yake kifedha ni hovyo kwani hana kitu chochote cha kumwingizia kipato.“Zinatakiwa shilingi milioni sita ili nifanyiwe  upasuaji na  niweze kupona lakini sina,” alisema alipokuwa akifanya mahojiano na mwandishi wetu  wodi  ya Kibasila namba 13 katika Hospitali ya Taifa ya Muhimbili jijini Dar es Salaam hivi karibuni.Akielezea tatizo lilivyoanza alisema ilikuwa mwanzoni mwa 2014 lakini ilipofika Oktoba 2014  tatizo lilishika kasi kwa  maana ya kupooza  mwili kuanzia sehemu ya kiunoni hadi miguuni.“Uchunguzi umeonesha kuwa kuna baadhi ya  pingili katika mgongo wangu zimelika kisha  kupishana na ndiyo chanzo kikubwa cha kupooza na kulazwa  kitandani  kwa miezi kadhaa sasa,” alisema.Akaongeza kuwa, alikwenda hospitali mbalimbali kutibiwa bila mafanikio ndipo aliamua kwenda Muhimbili kufanyiwa vipimo ikabainika kupooza kwake kumetokana na pingili za mgongoni kuachana.“Kinachoniumiza zaidi ni mwanangu Felex Lazaro anayesoma Imam Ecademic yupo nyumbani kwa  kukosa ada, naomba Watanzania wanisaidie kwani naweza kufa kwa sababu sina fedha,” alisema  Mwilu.Wakati tunaenda  mtamboni tulipata taarifa kutoka kwa mwanaye aliyejitambulisha kwa  jina la Allen Mwilu kuwa mgonjwa huyo amemhamishia katika Hospitali ya Dk. Kairuki jijini Dar.Aliyeguswa na habari hii anaweza kuwasilina na mgonjwa huyo kwa namba 0658 154027