PICHA 13: FARID MUSA ANAVYOWASHIKA SPAIN

Farid ameongezewa muda wa wiki moja zaidi kufanya majaribio kwenye klabu ya Tenerife baada ya kulivutia benchi la ufundi la klabu hiyo

Kinda wa Azam FC Farid Musa anaendelea kufanya vizuri kwenye majaribio nchini Hispania akiwa na Club Deportivo Tenerife inayoshiriki ligi daraja la kwanza ‘Segunda Division’.

Yusuf Bahkhesa ambaye ameambata na Farid Musa nchini humo amekuwa ikiipa www.shaffihdauda.co.tz updates za hapa na pale kuhusu yote yanayomuhusu Farid katika majaribio yake.

Kwa mujibu wa Yusuf Bahkhesa, Farid ameshafanyiwa vipimo vya afya baada ya kuwavutia viongozi wa benchi la ufundi la Tenerife linaloongonzwa na kocha mkuu wa timu hiyo Jose Luis Mart.

Picha zaidi za Farid Musa akifanya yake uwanjani wakati wa majaribio kwenye klabu ya Tenerife nchini Hispania…

Kiwango cha Farid kimeivutia timu ya Tenerife na iko tayari kumsajili kwa mkopo wa miaka miwili

Klabu ya Tenerife ya nchini Hispania imeshamfanyia vipimo vya afya Farid na ipo tayari kumsajili kwa mkopo wa miaka miwili endapo atafuzu vipimo vya afya

Uwepo wa Farid nchini Hispania unamfanya akose michezo iliyobaki kwenye ligi kuu ya Vodacom Tanzania bara (VPL)

Farid hakuwepo kwenye mchezo wa FA Cup wakati Azam ikifuzu hatua ya fainali ya michuano hiyo kwa kuifunga Mwadui kwa penati 5-3 baada ya sare ya kufungana magoli 2-2. Akaukosa pia mchezo wa ligi dhidi ya Majimaji, Azam iliposhinda 2-0

Farid huenda akaiwahi mechi ya fainali ya FA Cup dhidi ya Yanga ambayo itakuwa ndiyo mechi yake ya mwisho ya mashindano katika msimu huu wa 2015-2016